حيروت – خاص :
نشر احد الناشطين الصعوبات التي تواجه أي شخص يريد التنقل في العاصمة صنعاء عقب إغلاق أسفل جسر الصداقة .
وطرح الناشط نبيل عباد ، منشورا على حسابه في فيسبوك رصده حيروت الإخباري، يصف فيه صعوبة التنقل عقب اغلاق جسر الصداقة جاء فيه :
عقب اغلاق الجسر ، وأنت جاي من التحرير جوار فندق سبأ تشتي تروح باب اليمن ، معك واحدة من ثنتين :
١- تروح لجولة حدة الزبيري تدور و ترجع جسر الصداقة من تحت وصولا الى باب اليمن أي ما يقارب ٤ كيلو متر زيادة و زحمة .
٢- تطلع فوق جسر الصداقة باتجاة ميدان السبعين ، تلف من تحت جسر المالية ، تدخل الشوارع الفرعية مرورا بكلية الشرطة ، مدرسة المعتصم ، شارع مدرسة الكويت و بعدين الزبيري و منها تواصل الى باب اليمن ما يقارب ٥ كيلو متر زيادة وأيضاً زحمة .
واذا جاي من باب اليمن و ناوي تروح السبعين ضروري تدخل التحرير لشارع القيادة و ترجع من فوق الجسر ما يقارب ٣ كيلو متر زيادة .
وتساءل عباد بالقول : أين الحكماء في قيادة المرور ما ينزلوا يشوفوا الغباء الحاصل في الشوارع !؟ بدل ما تخف الزحمة زادت في التحرير والزبيري ، ساعة و نص من شارع القيادة لخلف خزيمة .
وتسبب قرار قطع اسفل الجسر بموجة غضب واسعة من الناشطين .
